Álvaro J. Díaz-Mella López ten 62 anos, naceu en Vigo e vive en Pontevedra. Con formación en Dereito e MBA, traballou moitos anos en Telefónica ata que se prexubilou. Ten unha gran experiencia na xestión de equipos. É presidente provincial de VOX en Pontevedra e foi candidato á alcaldía de Vigo.
Ademais, aprobáronse os nomes dos cabezas de lista polas distintas provincias galegas.
Manuel Fuentes Lamas será candidato de VOX pola provincia da Coruña, María Jesús Fernández, candidata por Ourense e Sonia Teijeiro, candidata de VOX pola provincia de Lugo.
Manuel Fuentes Lamas é veciño da Laracha e reside na provincia da Coruña desde hai cinco lustros. Inspector Veterinario de Saúde Pública. Licenciado en Veterinaria pola Universidade de Estremadura e Diplomado en Sanidade. É Presidente Provincial de VOX na Coruña e forma parte da asociación Nostra Terra, que se posicionou en contra da Lei de Benestar Animal.
María Jesús Fernández naceu en Ourense, cidade onde reside. Formación en administración de empresas e finanzas, e experiencia laboral en empresa familiar. É Presidente Provincial de VOX en Ourense e foi candidata á alcaldía da súa cidade en 2019. Coñece moi ben os problemas que afectan os seus veciños.
Sonia Teijeiro naceu en Lugo, cidade onde reside, e estudou e traballou en Galicia. Formación como Enxeñeiro de montes, dedicada ao sector madeireiro, traballa puntualmente como profesional independente. É Presidente Provincial de VOX en Lugo e foi candidata pola súa cidade na última lista de VOX ao Congreso dos Deputados.