Correos admitiu un total de 58.903 votos por correo de cidadáns e cidadás para as Eleccións autonómicas ao Parlamento de Galicia que se celebrarán este próximo domingo, 18 de febreiro. Este número de votos por correo supón un 19,96% menos que a cifra total de votos admitidos nas anteriores eleccións galegas celebradas durante a pandemia, o 12 de xullo de 2020 (73.595), que marcou récord histórico nuns comicios autonómicos en Galicia; e un 36,97% máis que o número de votos por correo rexistrados no proceso homólogo anterior, celebrado o 25 de setembro de 2016 (43.002). Correos adoptou desde a convocatoria destas Eleccións autonómicas todas as medidas organizativas necesarias para garantir á cidadanía de Galicia o pleno exercicio do seu dereito ao voto.
18