17
A vicepresidente segunda do Goberno español e ministra de Traballo e Economía Social, Yolanda Díaz, destacou o amplo consenso que hai en España, Europa e EE.UU. para avanzar a xornadas laborais reducidas e opinou que ata no Partido Popular ven sinais a favor dun cambio ás 37,5 horas no caso español. En opinión da vicepresidenta, a iniciativa vai máis aló dunha redución da xornada e debe incluír “unha nova organización dos tempos sociais en España. Un país certamente anormal (…) en comparación a calquera país europeo: convocamos reunións ás 8 da tarde; os restaurantes abren máis aló das 12 da noite. Fai falta un acordo social para formular novos tempos sociais”, concluíu.