Alberto González Amador, parella da presidenta madrileña Isabel Díaz Ayuso, admitiu a través do seu avogado que cometera dous delitos fiscais e ofreceu á Fiscalía un pacto para evitar ir a xuízo.
Segundo transcendeu, o avogado de González, Carlos Neira, enviou un correo electrónico á Fiscalía en que propoñía un acordo de conformidade para saldar con Facenda a débeda por dous delitos fiscais que, segundo o correo, “certamente se cometeron”.
“Estudado o asunto, e de común acordo con Alberto González, comunícolles que é vontade firme desta parte alcanzar unha conformidade penal, recoñecendo integramente os feitos (certamente, cometéronse dous delitos contra a Facenda Pública) e proceder a resarcir o dano causado pagando integramente a cota e intereses de demora á AEAT”, di o mail.