- 7 condutores foron postos a disposición xudicial por exceder en máis de 80 km/ h a velocidade permitida na vías
As vías convencionais seguen rexistrando os maiores excesos de velocidade, así o sinalan os resultados da campaña de vixilancia e control da velocidade realizada pola Dirección Xeral de Tráfico (DXT) entre o 6 e 12 de xullo, detectando que o 61% das infraccións se produciron en vías convencionais e travesías. Os axentes da Garda Civil estableceron 2.544 puntos de control de velocidade e controlaron a 550.267 vehículos, 164.853 vehículos máis que na campaña do ano anterior.
Do total de vehículos controlados, 28.969 condutores resultaron infractores e denunciados por exceso de velocidade. O 5,8% dos vehículos controlados en estradas convencionais foron denunciados por exceso de velocidade e ao 4,5% dos controlados en vías de alta capacidade (autovía e autoestrada).
Sete dos condutores denunciados incorreron nun delito contra a seguridade viaria e foron postos a disposición xudicial por exceder en máis de 80 km a velocidade permitida na vía, segundo se recolle no Código penal.
