12
O barco afectado, de nome Awadi, de 50,75 metros de eslora e 10,32 metros de manga con bandeira de Mauritania, arde no porto de Ribeira desde preto das 17:00 horas deste luns. En principio, ningunha persoa resultou afectada e os esforzos céntranse unicamente na extinción do incendio. Desde o centro de coordinación mobilizáronse aos Bombeiros de Ribeira e de Boiro, o GAEM de Ribeira, Salvamento Marítimo, Gardacostas de Galicia e Portos de Galicia, así como axentes da Garda Civil, da Policía Local e efectivos de Protección Civil. Ademáis, a Capitanía Marítima de Vilagarcía de Arousa desprazou por conta propia o Buque María Pita, con base en Vigo, para prestar axuda no caso de que fose necesaria.