A Axencia Tributaria flexibilizará os aprazamentos de pago de débedas para facilitar a liquidez dos contribuíntes. A combinación da Orde Ministerial que amplía de 30.000 a 50.000 euros o límite exento de achegar garantías e dúas instrucións que desenvolven o esquema para aplicar a partir de agora permitirán ofrecer máis prazos de pago aos contribuíntes nun amplo abanico de situacións. Os beneficiarios potenciais destas medidas, estimados en máis de 750.000 contribuíntes, son persoas físicas e xurídicas en xeral. As novas regras para os aprazamentos aplicaranse para solicitudes que se presenten a partir do 15 de abril, data de entrada en vigor da Orde Ministerial. A nova instrución de aprazamentos amplía sensiblemente os prazos máximos de pago para as solicitudes de tramitación automatizada, as que están exentas de achegar garantías. Para persoas físicas os prazos máximos elévanse de 12 a 24 meses, e para persoas xurídicas pasan de 6 a 12 meses.
0