38
- Desde o goberno local sinalan que os comerciantes e hostaleiros da zona se mostran satisfeitos con esta medida
A rúa San Andrés pecharase ao tráfico o primeiro sábado de cada mes pola tarde comezando o próximo 3 de outubro, segundo anuncio este venres a alcaldesa de A Coruña, Inés Rey, nun programa radiofónico.
Rey asegura que o obxectivo desta medida é «reactivar o comercio e a recuperar as rúas para a cidadanía», e sinala que durante o Día sen Coches «os comerciantes trasladáronnos a súa satisfacción con esta decisión e pedíronnos que non quedase nun feito puntual».
Desde a administración local estudan a posibilidade de que esta medida se estenda a algún domingo e, dese xeito, poder ligalo co Mercado Ecolóxico do Campo da Leña.