O ministro do Interior, Fernando Grande-Marlaska, anunciou estas e outras medidas durante a presentación do balance de sinistralidade viaria do ano 2023 na sede da Dirección Xeral de Tráfico, na que puxo o foco nas mortes de motoristas, que aumentaron un 19% con respecto ao ano 2022. Para reducir estas cifras de sinistralidade, á parte da obrigatoriedade do casco integral ou modular e das luvas homologadas, a DXT establecerá un curso obrigatorio para os condutores do permiso B con tres anos de antigüidade que queiran conducir motos de ata 125 centímetros cúbicos. Así mesmo, actualizará o contido dos cursos de recuperación de puntos para incorporar un perfil específico para os motoristas que perderon o seu saldo de puntos e para os que se programarán cursos de condución segura e eficiente. A DXT tamén prevé que as empresas envíen aos empregados que dependan da moto para realizar o seu traballo a cursos de actualización de coñecementos ou capacidades cada cinco ou seis anos e revisará o exame do permiso A, para motos de alta cilindrada.
24