40
A embaixadora de Marrocos en España, Karima Benyaich, que foi retirada en maio de 2021, regresou a Madrid, tras o xiro da postura do Goberno español respecto ao Sahara. «É un pracer volver traballar en Madrid e reforzar as relacións entre España e Marrocos, tal e como determinaron os nosos respectivos países», dixo Benyaich pouco despois de aterrar na capital española. O pasado ano, a representante marroquí foi chamada a consultas por Rabat por mor da crise diplomática aberta entre ambos os países debido á acollida en España do líder do Fronte Polisario, Brahim Gali e a entrada de miles de migrantes en Ceuta procedentes de Marrocos.