- Na estafa usáronse obras de arte valoradas en 19.500 euros
O Equipo ROCA da Garda Civil da Compañía de Ferrol detivo a catro individuos como presuntos autores dun delito de estafa e pertenza a grupo criminal organizado.
Esta investigación, dentro do marco da operación Plensado, púxose en marcha por mor dunha denuncia presentada nas dependencias do Posto da Garda Civil de Pontedeume.
Na mesma, a presunta vítima declaraba efectuar compras de obras de arte, por un valor de 25.000 euros, a un vendedor dun coñecido grupo editorial. Segundo declaracións do denunciante, este accedera a revender esas obras a outros posibles compradores a cambio dunha comisión, sempre aconsellado polo vendedor e outras tres persoas.
Despois de entregar as obras, os catro individuos reclamáronlle á vítima 12.000 euros en efectivo para gastos e gastos de notaría.
No transcurso da investigación, os axentes da mencionada unidade descubriron que no ano 2018 finalizara a relación comercial entre as persoas mencionadas e a editorial, aínda que había casos similares a este.
Finalmente, a Garda Civil identificou aos catro individuos, procedendo á súa detención como presuntos autores dun delito de estafa e pertenza a grupo criminal, e recuperaron as obras de arte valoradas en 19.500 euros.
Os detidos, xunto coas actuacións realizadas, foron postos ao dispor do Xulgado de Instrución Número 1 de Betanzos, e os efectos recuperados foron reintegrados ao seu lexítimo dono.