34
- O Goberno local remitiulle un documento á compañía tras as continuas queixas da veciñanza
O Concello da Laracha solicitoulle por escrito á dirección xeral de Teléfonica S.A. en Galicia a reparación dos equipamentos da compañía de telecomunicacións situados no municipio, e que se atopan nun deficiente estado de conservación.
Esta reclamación realízase despois das continuas queixas dos veciños denunciando o mal estado do tendido aéreo en determinadas localizacións, nas que o cableado se atopa a baixa altura ou mesmo a ras do chan. No documento tamén se fai referencia a unha caixa coa estrutura deteriorada situada nunha beirarrúa en Bos Aires, xunto ao núcleo urbano da Laracha.