Os traballadores de Alcoa San Cibrao volveron manifestarse en defensa dos postos de traballo nunha marcha multitudinaria dende o Hospital da Mariña, en Burela. A dous días de que a empresa formalice os máis de 500 despedimentos da fábrica de aluminio, volven reclamar un marco enerxético competitivo que garanta o futuro da planta. Os participantes, cadro de persoal de Alcoa e das auxiliares incluído, reclamaron unha resposta inmediata que free a sangría económica e laboral que padece unha comarca en xaque, cuxas demandas, denuncian, non foron atendidas e continúan enquistadas. O complexo industrial de San Cibrao, asentado entre os municipios de Xove e Cervo, na Mariña occidental, está composto por unha fábrica de aluminio e unha planta de alúmina, que empregan 633 e 510 persoas, respectivamente, e o seu peso na economía local é de tal envergadura que representa un terzo do produto interior bruto (PIB) da provincia de Lugo.
25