18
A ministra de Xustiza, Pilar Llop, pediu ás administracións de Xustiza e á Fiscalía que fomenten o uso de pulseiras telemáticas para os casos de violencia de xénero en que se dite unha orde de afastamento debido a que son “altamente eficaces”: “Desde que se implantaron en 2009, ningunha muller portadora destes dispositivos foi asasinada”. Pero advertiu ás mulleres de que só a denuncia contra o seu agresor “garante” que se poida interpoñer unha orde de afastamento, que é a ferramenta que pode “romper o primeiro elo da cadea de malos tratos”. Por iso é “tan importante” que as mulleres “confíen” na Xustiza, engadiu. Mentres, Interior traballa nun sistema para alertar a novas parellas de agresores “persistentes”.