A Oficina de Conflitos de Intereses arquivou a denuncia do PP contra o presidente do Goberno, Pedro Sánchez, por non absterse nas sesións do Consello de Ministros onde se decidiu o rescate de Air Europa debido ao suposto vínculo da súa muller, Begoña Gómez, coa compañía. Sostén este organismo, segundo a resolución, que neste caso non se dá o suposto previsto na lei de altos cargos que permita considerar que Sánchez “puidese incorrer nunha causa de abstención que obrigue a iniciar un procedemento de investigación en orde a depurar responsabilidades”.
O PP rexistrara a semana pasada unha denuncia ante a citada oficina ao considerar que Sánchez incorrera nunha infracción grave da lei de altos cargos xa que debía absterse nos Consellos de Ministros do 3 de novembro de 2020 e do 16 de marzo de 2021 que decidiron o rescate de Air Europa polos “vínculos de natureza económica e profesional coa súa muller”.