Iso representa máis de 760 millóns de persoas, é dicir, 20 veces máis dos 35 millóns que se dan por confirmados.
«Segundo as nosas estimacións preto do 10 por cento da poboación mundial pode haber sido infectada por este virus. Isto varía segundo o país e en función das zonas urbanas ás rurais. Varía entre diferentes grupos. Pero significa que a gran maioría da xente segue en risco«, declarou Michael Ryan, Director Executivo do Programa de Emerxencias da OMS.
Mentres, as cidades máis afectadas de Europa seguen impoñendo restricións, París pecha os seus bares, prohibe as festas de estudantes e reunións festivas. A rexión parisiense está en alerta máxima desde o luns. As novas restricións na capital francesa aplicaríanse durante as próximas dúas semanas.
Pola súa banda, Italia reportou 2.257 novos casos de coronavirus desde o domingo, deixando atrás os case 3.000 casos dos últimos días, aínda que segundo o Ministerio de Saúde italiano, están a facerse menos tests e rastrexos.