- Os expertos fan un chamamento para actuar con rapidez e evitar entrar nun punto de non retorno
O informe especial do grupo intergobernamental de expertos sobre o cambio climático (IPCC, enmarcado pola Organización Meteorolóxica Mundial da ONU) arroxa un panorama desolador sobre o estado dos Océanos e a criosfera, as zonas xeadas do Planeta.
Os expertos alertan de que os efectos do cambio climático son imparables e que queda pouca marxe de actuación.
O informe traballa principalmente sobre dous posibles escenarios: no mellor dos casos, se a clase política e o mundo empresarial actúan de forma contundente para reducir as emisións de gases de efecto invernadoiro, en 2050 o aumento de temperaturas respecto á era preindustrial quedará entre 1,5ºC e 2ºC. Poderían chegar a 2,4ºC no ano 2100.
No peor dos casos, en 2050 alcanzaríase un aumento de ata 2,4ºC e entre 3,2ºC e 5,4ºC para o ano 2100, con consecuencias cataclísmicas para o xeo mariño, os casquetes polares, o nivel do mar e o seu equilibrio biolóxico.
Os expertos fan un chamamento para actuar con rapidez e evitar entrar nun punto de non retorno.
Fonte: Euronews