20
Cataluña celebrou este venres a súa Diada baixo as estritas restricións pola pandemia do coronavirus e as divisións internas entre os partidos independentistas. Unhas divisións crecentes desde a tentativa de secesión de España de fai agora tres anos. As organizacións convocantes realizaron máis dun centenar de actos reivindicativos nos que participaron 59.500 persoas. Salvo algunhas accións de sabotaxe á primeira hora en varias liñas ferroviarias, as mobilizacións autorizadas transcorreron sen maiores incidencias. Tras a convocatoria, un grupo de manifestantes queimou unhas caixas de cartón amontoadas, que representaban ao que denominan réxime do 78, co que España recuperou a democracia.