Así o anunciou este martes a Ministra de Defensa, Margarita Robles, que compareceu na rolda de prensa posterior ao Consello de Ministros para informar do Real Decreto aprobado para regular a formación e carreira militar da Princesa de Asturias, que o próximo 31 de outubro cumprirá 18 anos. A princesa Leonor comezará a partir de setembro a súa formación militar como herdeira ao trono, que se desenvolverá durante tres anos co seu paso polas academias dos tres Exércitos (Terra, Armada e Aire e Espazo) antes de ir á Universidade. Comezará esta formación castrense tras terminar o Bacharelato en Gales, e a finais de agosto ou principios de setembro incorporarase a Academia Xeral de Zaragoza, posteriormente, pasará á Escola Naval Militar de Marín e concluirá a súa formación na Academia Xeral do Aire de San Javier, en Murcia.