Don Felipe visitou o Posto da Garda Civil da Comandancia de Lugo, para coñecer as capacidades que a Garda Civil dedica a garantir a protección e a seguridade pública ao longo do Camiño de Santiago, coincidindo coa prórroga do Ano Santo Xacobeo de 2021.
O Rey, á súa chegada ao Posto de Sarria, foi recibido polo ministro do Interior, Fernando Grande- Marlaska Gómez, e recibiu o saúdo da directora xeral da Garda Civil, María Gámez Gámez, do director adxunto operativo da Garda Civil, Pablo Salgas Moreno, e do xefe da Comandancia de Lugo, Miguel Ángel González Arias. Tras o recibimento con Honras, a súa Maxestade o Rey recibiu o saúdo de autoridades civís e unha comisión de persoal da Garda Civil, seguidamente, tivo lugar unha presentación por parte da directora da Garda Civil sobre “A Garda Civil no Camiño de Santiago. Estado da arte dos proxectos da Garda Civil en 2022”.
Acompañaron tamén á súa Maxestade o Rey o delegado do Goberno en Galicia, José Manuel Miñones; o xefe do Cuarto Militar da Casa de S.M. o Rey, Emilio Juan Gracia; e o director adxunto operativo da Garda Civil, Pablo Salgas, entre outras autoridades civís e militares.
