A Unión Europea incluíu este martes a Rusia, Costa Rica, as Illas Virxes británicas e as Illas Marshall á súa lista lista negra de paraísos fiscais, pola súa falta de cooperación en materia fiscal co bloque comunitario.
Tras a decisión, aprobada polos ministros de Economía e Finanzas, na lista figuran 16 territorios ademais dos catro engadidos agora: Panamá, Samoa Americana, Fiji, Guam, Palau, Trinidad e Tobago, Samoa, as Illas Virxes americanas, Vanuatu, Bahamas, Anguía e as Illas Turcas e Caicos, que xa estaban.
A lista, que se actualiza cada seis meses, inclúe aquelas xurisdicións que incumpren os estándares da UE en materia de transparencia fiscal, xustiza tributaria ou implementación das normas internacionais para evitar a erosión da base fiscal ou o traslado de beneficios, e que ademais non dan pasos para atallar eses problemas.
Figurar nela non conleva sancións económicas, máis aló da prohibición de que os fondos europeos transiten por entidades radicadas nestas xurisdicións e medidas administrativas, como auditorías máis frecuentes, aínda que os Estados poden decidir a nivel nacional impoñer outro tipo de penalizacións.