Xa existen probas de antíxenos que nos permiten diagnosticar as dúas enfermidades cunha soa mostra e, así, saír de dúbidas. Os auto-test do SARS-CoV-2, que nos podemos facer facilmente na nosa casa, significaron un punto de inflexión no control da crise sanitaria en 2021. Foron útiles para illarnos con rapidez e, sobre todo, evitar contactos estreitos con persoas máis vulnerables, como maiores ou persoas inmunodeprimidas. E esta mesma axuda, pode servirnos para o control da gripe, cuxa tempada comeza cada ano en outubro, aínda que alcanza os seus picos a partir de xaneiro. Estes test de antígenos “combinados” permiten diagnosticar o SARS-CoV-2, así como os virus da gripe A e B. De feito, poden detectar o positivo de varios destes patógenos á vez, no caso de que exista unha infección simultánea. É menos frecuente, pero igualmente posible. Son de venda exclusiva en farmacias, polo que non debes adquirilos a través doutras canles, tal e como informa a Axencia Española de Medicamentos e Produtos Sanitarios (AEMPS) en referencia aos test de antíxeno para autodiagnóstico en xeral.
44