Aparatoso accidente con feridos no quilómetro 87 da AP-9 tras envorcar un camión á altura de Padrón, segundo informa o 112 Galicia.
O accidente produciuse ao envocar un camión con bañera que circulaba en direción Pontevedra. Contra este camión esnafráronse os vehículos que viñan detrás e non deron freado.
Como consecuencia do impacto, o condutor do camión quedou atrapado no interior, o que obrigou a intervir aos equipos de excarceración do GES de Padrón e dos Bombeiros de Boiro.
Para facilitar o acceso ao ferido, primeiro foi necesario estabilizar a cabina do camión. Mediante esta acción, os bombeiros lograron as condicións de seguridade necesarias para sacar ao condutor e deixalo nas mans dos profesionais de Urxencias Sanitarias de Galicia-061, que tiñan a disposición o helicóptero medicalizado con base en Santiago para axilizar o traslado.
Ata o lugar do accidente desprazouse un helicóptero, 2 camións de bombeiros, dous coches da Garda Civil e outro coche da policía.