42
Coas caras tachadas con pintura negra. Así apareceron este oito de marzo os retratos das quince mulleres que integran un mural feminista do barrio de Ciudad Lineal, en Madrid. A obra titúlase «A unión fai a forza». Atraeu a atención dos medios despois de que o partido Vox propuxese substituílo por outro que mostrase a atletas paralímpicos, por cubrir a parede dun polideportivo. O alcalde da capital José Luis Martínez Almeida, do Partido Popular, condenou o ataque e a intolerancia e comprometeuse a devolvelo ao seu estado orixinal. O pasado xaneiro, cando se produciu a votación sobre a súa posible eliminación, asegurara que á maioría dos madrileños non lles interesaba nin sabían que existía.