Alemaña anunciou medidas adicionais para reducir a cantidade de gas natural que se emprega para xerar electricidade e na industria, entre elas o uso do carbón, co fin de acelerar o enchido dos depósitos de reserva ante a restrición da subministración de gas ruso. O ministro de Economía e Enerxía, o verde Robert Habeck, dixo que a seguridade do abastecemento está nestes momentos «garantida» e que os depósitos se seguen enchendo, aínda que a prezos elevados. Para iso, se reacondicionará a rede de centrais carboeiras que forman parte da reserva eléctrica para que poidan activarse «a curto prazo», algo que segundo Habeck ocorrerá tan pronto como a correspondente lei supere o trámite parlamentario. A segunda medida anunciada consiste en poñer en marcha, xa a partir deste verán, un sistema para poxar o gas empregado na industria e así crear incentivos para o aforro.
42