29
Segundo os datos aportados desde o Concello de Camariñas, levan 5.190 raíñas capturadas polos operarios municipais encargados da tarefa. Un dato moito maior que a que se tiña no 2019 a estas alturas, cando no mes de abril se tiñan atrapadas 2.099 raíñas. Unha diferencia de 3.091 vespas que ten que ver coa previsión, xa que este ano decidiron comezar a campaña un mes antes. A campaña de trampeo do ano pasado rematou no mes de xullo con 9.854 raíñas de vespa velutina atrapadas polo que se agarda que, cando remate a actual, a cifra sexa moito maior. Desde o Concello de Camariñas lembran que “o trampeo é esencial xa que elimina a raíña e reduce a formación de futuros niños”.