Amazon desembarca no noroeste peninsular cunha estación loxística de 4000 metros cadrados no Porriño. A multinacional líder da venda on line ten previsto abrir as novas instalacións este verán. Isto supón a creación de mais de sesenta empregos, trinta deles directos e, o resto, conductores das dúas empresas de reparto independentes coas que traballarán.
Os centros loxísticos e de distribución de Amazon enviarán os paquetes á nova estación do Porriño para que sexan cargados e repartidos en Vigo e a súa área metropolitana, así como en Pontevedra e o resto da provincia.
O centro do Porriño sumarase á rede loxística de Amazon en España, que arrancou no 2012 cunha nave en San Fernando de Henares, en Madrid. Nestes sete anos abriron tres centros mais en Barcelona, outro en Madrid e outro en Toledo. A maiores, o xigante da internet conta con once estacións loxísticas e outros dous centros urbanos na capital e Barcelona.