Será acorde a un investimento autonómico de 400.000 euros para ampliar o crédito das axudas para a adquisición de taxis adaptados á mobilidade reducida, de baixas emisións ou eléctricos, mobilizando un orzamento total de 900.000 euros nesta convocatoria. Deste xeito amplíase a convocatoria de axudas publicada no DOG en decembro de 2021, á que se presentaron 192 solicitudes, esgotando o crédito previsto, que ascendía a 500.000 e que permitiu a concesión de 93 axudas. Os beneficiarios destas axudas son titulares de autorizacións administrativas de transporte vixentes, documentadas en tarxetas da serie VT-N, expedidas pola Dirección Xeral de Mobilidade. Os incentivos van dirixidos á compra de vehículos novos que se adquiran entre o 1 de outubro de 2021 e o 31 de outubro de 2022. Os beneficiarios deberán ter adscrito o vehículo á autorización de transporte da serie VT-N antes do 1 de xullo de 2023. O prazo de presentación de solicitudes continúa aberto nos mesmos termos establecidos na convocatoria de decembro de 2021, é dicir, ata o 15 de outubro.
0