Ana Pontón anuncia que está embarazada de dezaoito semanas

A líder do BNG anunciou este domingo a través da súa conta de Twitter que está embarazada de dezaoito semanas e aproveitou para mostrar a súa alegría: «Hai momentos na vida emocionantes e cheos de alegría. Estou a vivir un deles. En poucos meses seremos unha máis na familia. Estou embarazada de dezaoito semanas!! Non podería ser máis feliz», exclamou na mensaxe. Será o primeiro fillo da política, neste caso filla, que verá a luz nos meses previos ás eleccións autonómicas de 2020, se todo xira sobre o previsto.