Aprazado o primeiro xuízo en París contra José Antonio Urrutikoetxea, alias ‘Josu Ternera’. O Tribunal de Apelación da capital francesa atrasou ata os próximos 22 e 23 de febreiro o primeiro dos dous procesos que ten pendente en Francia, pola súa implicación en ETA. O aprazamento explícase polos prazos de citación para catro testemuñas da defensa que, segundo o seu avogado, estiveron «directamente implicados» nas negociacións co Goberno español nas que Urrutikoetxea representou á banda en 2005 e 2006. Os letrados de Josu Ternera xustificaron a presenza desas testemuñas porque o seu cliente está acusado de reunirse con outros etarras, o que se explicaba para preparar as negociacións, segundo a súa versión. Vítimas do terrorismo aspiran a que cumpra a súa correspondente condena en España polos crimes cometidos.
43