O Congreso aprobou a reforma da lei do aborto, que elimina a esixencia de consentimento paterno para as mozas de 16 e 17 anos con 190 votos a favor, 154 en contra e 5 abstencións e continua a súa tramitación parlamentaria no Senado.
O proxecto de lei contén algunhas modificacións respecto ao que saíu do Consello de Ministros, que regula a obxección de conciencia e contempla baixas temporais de preparto na semana 39 e baixas por menstruación incapacitante.
A Ministra de Igualdade, Irene Montero, celebrou a aprobación da lei e asegurou que é «un paso moi importante» para garantir os dereitos sexuais e reprodutivos das mulleres en España. Montero agradeceu á maioría feminista da Cámara o seu apoio á futura norma e lembrou a figuras como ás once de Basauri, Xusta Montero ou a exministra de Igualdade Bibiana Aído.