O Reino Unido roza os 1,1 millóns de casos desde o inicio da pandemia, o Parlamento británico aprobou o confinamento inmediato ata polo menos o 2 de decembro, co apoio tanto do gobernante Partido Conservador como do opositor Laborista. Os cidadáns deberán quedarse na casa salvo por motivos concretos (entre os que se inclúe, ademais de ir ao médico ou coidar a maiores, o exercicio ao aire libre) e durante catro semanas estarán pechados establecementos non esenciais (tendas de roupa, ximnasios e barberías) e os bares que non ofrezan comida para levar, mentres que os colexios permanecerán abertos.
O Goberno británico é consciente do «significativo» impacto económico das restricións e anunciou que amplía todo este mes o plan polo que os traballadores de compañías obrigadas a pechar durante o confinamento recibirán o 80 % do seu salario ata un máximo de 2.500 libras (2.775 euros).