O Ingreso Mínimo Vital é xa unha realidade en España. O Goberno deu luz verde a esta axuda que, en palabras do presidente Pedro Sánchez é “unha medida histórica na nosa democracia para que ninguén quede atrás”. Na práctica, isto tradúcese nunha axuda que garante ingresos mínimos a quen carece deles. A principal novidade que diferencia a esta prestación doutras é que é compatible con outras axudas ou outros ingresos, incluído os ingresos laborais. Co cal, o Goberno pretende incentivar á persoa que accede á axuda a que poida aceptar tamén un traballo. Unha axuda cuxa posta en marcha acelerouse debido á crise provocada polo coronavirus. «Non hai liberdade se non se pode chegar a fin de mes», dicía o vicepresidente do Goberno, Pablo Iglesias, en rolda de prensa. El foi o encargado de presentar os detalles dun dos proxectos estrela do seu partido Podemos, socio da coalición de Goberno co PSOE.
45