Na tradicional mensaxe institucional do día de San Esteban, Aragonès apostou por conseguir durante o 2023 un “gran acordo en Cataluña” para organizar un referendo de autodeterminación inspirado na experiencia de Canadá e Quebec.
De momento, Aragonès non o terá fácil, tendo en conta as reaccións que o seu discurso xerou tanto dentro como fóra de Catalunya. Para empezar, o xefe do executivo español, Pedro Sánchez , deixou claro que «poden pedir o que queiran, pero non se producirá» e evitou concretar a próxima reunión da mesa de diálogo.
O primeiro secretario do PSC, Salvador Illa, descartou o referendo que pide o presidente da Generalitat, Pere Aragonès: «Sabe que non se celebrará. Sábeo perfectamente». Tamén o secretario xeral de JxCat, Jordi Turul, mostrouse «decepcionado» despois de valorar o que considera que foi «máis o discurso dun presidente dun partido que dun país».