18
Os servizos de emerxencia traballaron en sufocar o incendio declarado nunha vivenda unifamiliar do núcleo de Cabana, na parroquia de Veiga, en Culleredo. O propio Concello informou de que o lume comezou arredor das 12:45 horas deste mércores.
Ao lugar desprazáronse a Policía Local de Culleredo e os bombeiros do parque provincial de Arteixo, que seguiron cos labores de extinción.
Trátase dunha segunda residencia e barállase un calefactor aceso como posible causa do lume.
O propietario atopábase no exterior cando se iniciou o incendio, polo que non houbo que lamentar danos persoais.