9
O termo municipal de Arteixo sitúase no segundo posto en crecemento de poboación en Galicia neste século XXI, só por detrás de Oleiros.
Segundo os últimos datos do INE, Arteixo gañou arredor de 11.300 habitantes desde o ano 2.000, superando xa os 34.000 veciños e veciñas.
Este incremento reflicte o forte dinamismo económico e demográfico da área metropolitana da Coruña e confirma a consolidación de Arteixo como un dos principais polos de atracción residencial e industrial de Galicia.
En conxunto, Galicia amosa un desprazamento do crecemento cara á provincia da Coruña, onde se concentran sete dos dez concellos que máis aumentaron a súa poboación neste século, coa área metropolitana da Coruña como motor demográfico.