- No caso de Muxía, o prazo de solicitudes remata ás 13:00 horas do 21 de xuño
A unha semana de celebrar unha das festas máis emblemáticas de Galicia, o San Xoán, varios concellos continúan facendo fincapé na importancia de obter unha autorización para poder realizar as cachelas. Este é o caso da Laracha ou Muxía, que emitiron un comunicado especificando as datas límite para rexistrar a solicitude ou as condicións para celebrar o evento.
No caso da Laracha, os documentos poden descargarse da web municipal e deben presentarse no rexistro xeral ou a través da sede electrónica. Debido á situación sanitaria provocada pola Covid-19, este ano o Concello non permitirá as cachelas en ningún espazo público (rúas, prazas, praias, etc).
En Muxía, o Concello permite que se fagan fogueiras «sempre e cando sexa en espazos privados así como os locais de hostelería que desexen facer grelladas», destaca o alcalde, Iago Toba. O prazo de presentación das solicitudes, de particulares e locais, rematará ás 13:00 horas do día 21 de xuño de 2021.
En ambos casos deberán respetarse as medidas sanitarias.