39
Do mesmo xeito que a tempada pasada o Attica 21 Hotels Oar Coruña venceu no seu feudo ao Calvo Xiria balonmán no partido de liga xogado este sábado no pavillón San Francisco Javier da cidade herculina. Na primeira parte o conxunto local foi moi superior ao Xiria, que non materializaba nin en ocasións desde os sete metros, o resultado dicíao todo, 15-8 ao descanso. Na segunda parte máis do mesmo, a defensa do Xiria facía augas e o ataque local non perdoaba, as boas intervencións de Manu Méndez, Bouzas, Castiñeiras ou Chimpo, non foron suficientes para frear a sangría no marcador, ao final 10 arriba para o equipo coruñés, 31-21.