Xosé Manuel Beiras, fundador de Anova, volve reflexionar sobre a fractura interna de En Marea. Asegura que, a pesar da súa aposta polo diálogo, houbo dirixentes da confluencia que optaron polo fratricidio e acabaron converténdose en casta.
Yolanda Díaz, de Unidas Podemos, opta por non valorar estas declaracións.
«Eu nunca deixei de dialogar e Anova nunca deixou de dialogar, ata última hora. Non se pode predicar a fraternidade e exercitar o fratricidio. Hai cadros políticos que predicaban aquilo de acabar coa casta e que están configurando unha nova casta», dixo Beiras.
O político e economista fixo estas afirmacións antes de presentar o seu novo libro «Nuredin o taxista e Amedine o pintor», no que recompila as súas crónicas sobre o Foro Social Mundial.