O papa emérito, de 94 anos, di na misiva, máis parecida a un testamento, que sente «vergoña» e «dor» polos abusos e erros ocorridos durante o tempo que ocupou diferentes cargos na Igrexa alemá, aínda que nega estar ao tanto de casos de pederastia. «Pronto me enfrontarei ao xuíz definitivo», di Bieito XVI nunha carta coñecida este mércores na que pide perdón polo seu papel no escándalo de abusos sexuais na Igrexa alemá, pero desmente as acusacións de encubrimento vertidas contra el. A carta foi lida por Georg Gaenswein, secretario histórico de Ratzinger. Esta carta chega despois de que unha comisión de expertos concluíse que Bieito XVI estivo ao tanto de catro casos de sacerdotes pederastas cando era arcebispo de Múnic, algo que el desmente no seu texto.
31