BNG e PSOE arrincaron a campaña cumprindo o seu compromiso de asistir a todos os debates

1 minutes read

Os cabezas de lista de BNG e PSOE arrincaron a carreira cara ás urnas do próximo día 18 cumprindo o seu compromiso de asistir a todos os debates aos que os conviden. O candidato do PP, Alfonso Rueda, deu este venres a súa primeira espantada dun debate electoral. Foi no da Cadena SER en Galicia. Como facía o seu predecesor, Rueda evitou esta cita “escondéndose” -así o dixeron en reiteradas ocasións os seus rivais- tras o voceiro do grupo parlamentario. Se Feijóo enviaba a Pedro Puy, o actual presidente da Xunta mandou a Alberto Pazos Couñago a un debate que se celebrou nun hotel compostelán situado a pouco máis dun quilómetro da Praza do Obradoiro.

Con este escenario, todo indica que a única posibilidade de ver ao candidato popular confrontar argumentos cos seus rivais será este luns, día 5, no debate organizado pola TVG. A outra posibilidade, mínima, pasa polo debate do mércores 14 en RTVE. O ente público estatal foi o primeiro en lanzar a convocatoria, xa a finais do pasado ano. Mentres Pontón e Besteiro confirmaron a súa presenza en cuestión de horas, Rueda evitou facelo primeiro nunha entrevista con Silvia Intxaurrondo e, hai apenas uns días, con Xabier Fortes.

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?