A Unión Europea non participará nas conversacións que terán lugar en Xenebra entre Rusia e Estados Unidos sobre Ucraína. Por iso, Josep Borrell visitou Ucraína coa misión de apoiar ao país, que quere formar parte da UE e a OTAN. No seu encontro co ministro de Exteriores de Ucraína no leste do país, o Alto Representante asegurou que ante unha agresión rusa, a UE prestaría toda a axuda posible. E mostrou de novo o seu enfado por non ser convidado as conversacións de domingo. Mentres miles de tropas rusas parecen estar preparadas para invadir Ucraína, o país recibiu con satisfacción a visita de Borrell. É a primeira vez que o líder de política exterior da UE visita a zona desde 2014. Os analistas cren a visita é importante para lembrar ao mundo que a UE debería ser parte da solución. Pero contan con poucas expectativas sobre as conversacións de Xenebra. Mentres tanto, en busca de solucións, a OTAN recibirá aos principais funcionarios rusos a semana que vén nun esforzo por desescalar a situación. Ademñas, Moscova liderará unhas conversacións con Ucraína, Alemaña e Francia este xoves baixo o coñecido como formato Normandía.
25