38
España rexistrou este xoves 268 mortes por coronavirus, a cifra máis baixa desde o pasado 20 de marzo. A COVID-19 causou xa 24.543 falecementos en España e contaxiou a 213.435 persoas, segundo os últimos datos oficiais, aínda que a pandemia vai en descenso, con cifras cada día máis esperanzadoras. Os españois coñeceron este xoves as normas para a ansiada saída controlada do confinamento polo coronavirus para partir do próximo sábado, mentres partidos da oposición e empresarios de distintos sectores piden que se aceleren os plans para recuperar, no posible, a actividade.