32
- Ao longo do termo municipal xa hai instalados varios contedores con forma de corazón
O Concello de Malpica, a través das concellarías de Medio Ambiente e Servizos Sociais, continúa apostando por un modelo híbrido no coidado do medio ambiente apostando ademais polo impulso ás axudas sociais. Deste xeito, instaláronse catro novos colectores baixo a denominación de Corazóns Solidarios, que funcionarán como recollida de tapóns de plástico e lle darán tamén outro aspecto ás rúas malpicás.
Ao longo do termo municipal xa se instalaran varios contedores: diante do Centro Cívico, ao carón da parada de taxis, na entrada do CEIP Xoaquín Rodríguez Otero e no parque García Alén, de Buño.