34
Os Bombeiros do Consorcio Provincial Contraincendios e Salvamento da Coruña con base en Cee, acompañados de voluntarios de Protección Civil, acudiron este sábado a un edificio da localidade para rescatar ás persoas que quedaran atrapadas no interior dun ascensor. O 112 Emerxencias Galicia foi quen deu a voz de alarma. Unha vez restablecida a normalidade, sen danos persoais a maiores do susto, pasóuselle aviso á empresa propietaria da máquina para restablecer o seu normal funcionamento.