Ás probas estaban convocadas 935 persoas para 94 prazas do corpo da Policía Local de 35 concellos galegos. A celebración dos exames, no Recinto Feiral de Silleda, contou cun protocolo específico avalado polas autoridades sanitarias que autorizaron a celebración dos exames, e que garante a realización das probas coa máxima seguridade de todo o persoal, cunha separación entre os alumnos de 3 m. en sentido lonxitudinal e 5 m. en sentido transversal.
Esta colaboración cos concellos galegos deu comezo en marzo do ano 2017 coa sinatura do protocolo de colaboración coa Fegamp para a realización das probas selectivas da Policía Local de Galicia. Este foi un paso entre administracións e a suma de esforzos para ser máis eficientes e garantir o mantemento da calidade na prestación de servizos públicos aos galegos. O obxectivo fundamental é favorecer a calidade dos procesos selectivos, asegurar cobertura de prazas e acadar unha Policía Local cada vez máis especializada.