Este domingo 19 de xuño disputouse no circuíto José Ramón Losada de Arteixo a segunda proba do Campionato de Galicia de Autocross, onde o equipo Yacar Racing tiña representación en tres das cinco categorías convocadas.
Perfecto Calviño marcaba o mellor crono nos adestramentos da Clase 4 seguido por Sandra García e Christine Giampaoli, todos con coches de Yacar Racing. Sandra lideraba a semifinal ata que unha avaría na caixa de cambios, que lle impediría saír na final, obrigáballe a deterse. Unha final que sería gañada por Christine Giampaoli, logrando así a súa primeira vitoria co Peugeot 208 T16 R5 seguida polo Ford Fiesta Proto de Perfecto Calviño, completando así o dobrete no podio dos dous coches de Yacar Racing.
Javier Ramilo ‘Kobas’ quedaba sen tempo nos adestramentos de Car Cross ao non funcionar o transponder, sendo así os mellor clasificados Rubén Barreiro na terceira posición e Daniel Remuiñán cuarto e clasificándose ambos os dous segundos nas súas respectivas semifinais. Na final, Barreiro concluía segundo mentres ‘Kobas’ remontaba ata unha valiosa cuarta posición de fronte ao campionato con Daniel Remuiñán a continuación. Hai que destacar tamén a presenza de Pablo Suárez, que conseguía gañar a final B, e que se estreaba cun Yacarcross sendo un dos pilotos españois que esta tempada participará no Mundial de Rallycross na nova categoría de coches eléctricos denominada RX2e.
Xa en Car Cross Júnior, o piloto bolseiro pola FGA e Yacar, Eliot Gómez, non puido repetir o seu resultado da proba anterior tras unha boa semifinal, aínda que na final só puido ser sexto.