Segundo explicou o inspector da UDYCO, José Abreu, que dirixiu a investigación, a droga comisada é de gran pureza e “é preciso cortala, se non sería auténtico veleno para os consumidores”. A policía calcula que ese primeiro corte antes de poñela no mercado para a venda ao por xunto daría un total de 65 quilos de droga que alcanzarían un valor superior ao millón e medio de euros. O seguimento deu na detención de dúas persoas nun coche que interceptaron en Nigrán. No vehículo había 20 quilos de heroína. Estaban ocultos nos paneis laterais traseiros, á altura dos asentos. Eran 40 envoltorios de medio quilo cada un. Os dous detidos son un home e unha muller de nacionalidade española, residentes en Galicia e que contan con varios antecedentes policiais.
0