12
A Comisión Nacional dos Mercados e a Competencia (CNMC) aprobou este mércores, con compromisos, a posible adquisición do Banco Sabadell por parte do BBVA. A decisión abre a porta a que o Goberno central interveña e poida establecer condicións máis estritas ou mesmo frear a operación.
Tras unha longa reunión que rematou pasadas as 19:30 horas, a Sala de Competencia —formada por cinco membros, incluída a presidenta da CNMC, Cani Fernández— avalou o ditame por unanimidade e sen votos particulares, segundo fontes próximas ao proceso.
A resolución non se considerará definitiva ata que o ministro de Economía, Carlos Cuerpo, decida se eleva o asunto ao Consello de Ministros. A norma establece un prazo de quince días para tomar esta decisión.