Xornada 7 do grupo AB da liga EBA, disputada polo Basket Xiria na cancha do Hereda Ávila Auténtica, o CUM Carlos Sastre. Logo dun inicio de partido irregular, o equipo carballés encomendouse ao ‘non apto para cardíacos’ dos últimos segundos. Por parciais os resultados foron 19-12, 18-17, 15-21 e 21-25. A falta de dous minutos o Calvo Basket Xiria perdía de 7 puntos, pero un parcial de 0-9 ao seu favor fíxolle conseguir a súa cuarta vitoria (a segunda a domicilio). Pau Isern e Ruben Rey foron os máximos anotadores con 19 e 18 puntos, respectivamente. Neste caso, Pau foi o xogador Calvo da xornada. Moi boas sensacións para os de Héctor Méndez, sobre todo polo resultado final, 73-75. Cabe destacar que o equipo carballés xogará os dous seguintes partidos na casa.
17